यातायात कार्यालय वीरगंजमा नयाँ प्रमुख कर्ण हाजिर

वीरगंज । यातायात व्यवस्था कार्यालय वीरगंजमा सोमबार नयाँ कार्यालय प्रमुख धर्मेन्द्र लाल कर्ण हाजिर भएका छन् ।
घरेलु तथा साना उद्योग कार्यालय कलैया, बारामा कार्यरत्त प्रमुख उद्योग अधिकृत कर्णलाई मन्त्रालयले यातायात व्यवस्था कार्यालय वीरगंजमा पठाएको हो ।
कर्ण भन्दा अगाडि कार्यालय प्रमुख कमल राज गौतम थिए । कमल राज गौतम हुँदा कार्यालयमा सुशासन नदेखिएको आरोप लगाउदै श्रम तथा यातायात मन्त्री कौशल किशोर राय यादवको सिफारिसमा मुख्यमन्त्री तथा मन्त्रीपरिषद्को कार्यालयले गौतमलाई सरुवा गरी कर्णलाई पठाएको हो ।
कर्णको आगमन पश्चात सवारी चालक अनुमति पत्र र सवारी शाखामा हुने गरेका अनियमित्ताहरु हटने सेवाग्रहीहरुले आशा गरेका छन् ।
घरेलुबाट आएका अनुभवी कहलिएका प्रमुख धर्मेन्द्र लाल कर्णले कार्यालयलाई भ्रष्टाचारमुक्त बनाई सेवाग्रहीहरुलाई सुशासनको अनुभुति दिलाउनमा कतिको खरो उत्रिनु हुन्छ ? सचेत नागरिकहरुलाई हेर र पर्खको विषय बनेको छ ।